Gwybodaeth ar gyfer gweithwyr proffesiynol
Yn 2019, cyhoeddodd Coleg Brenhinol y Bydwragedd a Choleg Brenhinol yr Obstetryddion a'r Gynaecolegwyr eu hadroddiad ar yr Adolygiad o Wasanaethau Mamolaeth Bwrdd Iechyd Prifysgol Cwm Taf a chyhoeddodd Llywodraeth Cymru Gofal Mamolaeth yng Nghymru: Gweledigaeth Pum Mlynedd ar gyfer y Dyfodol (2019-2024).
Er mwyn cyflawni'r weledigaeth hon, a mynd i'r afael ag argymhellion yr Adolygiad o wasanaethau Mamolaeth ym Mwrdd Iechyd Prifysgol Cwm Taf, nodwyd pum egwyddor gofal mamolaeth.
Gan fod meysydd tebyg wedi'u nodi yn Safonau Newyddenedigol Cymru Gyfan (3ydd Argraffiad), cytunwyd y byddai pum ffrwd waith yn cael eu sefydlu:
- Gofal sy'n canolbwyntio ar y teulu
- Parhad gofalwr
- Gofal diogel ac effeithiol
- Timau aml-broffesiynol medrus/ Gwasanaethau o ansawdd cynaliadwy
- Gofal Amserol
O dan gylch gwaith Cydweithrediad Iechyd GIG Cymru, penderfynodd y Rhwydwaith, drwy ymgysylltu â rhanddeiliaid, ar y blaenoriaethau i ddatblygu a sefydlu ei fecanwaith adrodd a'i strwythurau ffrwd waith.
Prif Flaenoriaethau
- Gweithredu gwasanaeth dros dro y tu allan i oriau a datblygu gwasanaeth cludiant 24 awr wedi'i gomisiynu'n llawn.
- Datblygu Set Ddata Perfformiad Mamolaeth Cymru Gyfan a fydd yn adlewyrchu mesurau ansawdd a diogelwch mewn ffordd gadarn a chymaradwy ac yn cefnogi gwyliadwriaeth gan y boblogaeth.
- Sefydlu is-grŵp Canllawiau Clinigol Mamolaeth, yn ogystal â datblygu Proses Adolygu Marwolaethau ac Afiachedd.
- Gweithredu Gofal Integredig i Deuluoedd (FiCare) ledled Cymru.
- Sefydlu mecanweithiau ar gyfer gwella ymgysylltiad â menywod a'u teuluoedd ac ar gyfer cael adborth i ddarparu a gwella gwasanaethau mamolaeth a newyddenedigol.
Mae gan Ms Teams gyfoeth o wybodaeth am ein ffrydiau gwaith, gan gefnogi is-grwpiau, adroddiadau a chyhoeddiadau ac os nad oes gennych fynediad at hyn eisoes, mae croeso i chi gysylltu elizabeth.gallagher@wales.nhs.uk neu jacqueline.davies1@wales.nhs.uk