Helpwch ni i ledaenu'r gair am Broffiliau Iechyd
Mae Rhaglen Anabledd Dysgu Gwelliant Cymru wedi llunio deunyddiau i gefnogi ein rhanddeiliaid i ledaenu’r gair am Broffiliau Iechyd.
Ar y dudalen hon, gallwch ddod o hyd i amrywiaeth o adnoddau dwyieithog yr ydym yn eich annog i'w defnyddio ar eich sianeli i gyfathrebu â'ch cynulleidfaoedd eich hun.
Cysylltu â'r Proffil Iechyd
Mae prif dudalennau gwe'r Proffil Iechyd i'w gweld ar ran Gwelliant Cymru o wefan Gweithrediaeth GIG Cymru. Mae'r tudalennau hyn yn cynnwys templedi Proffil Iechyd, nodiadau canllaw, a gwybodaeth ddefnyddiol arall.
Oherwydd strwythur y wefan, rydym wedi creu dwy ddolen fer i'w gwneud yn haws i chi gyfeirio cynulleidfaoedd at y Proffil Iechyd.
Defnyddiwch y dolenni byr isod yn y cynnwys rydych chi'n ei gyhoeddi:
Deunyddiau ar gyfer Awdurdodau Lleol, darparwyr gofal yn y sector preifat, a sefydliadau trydydd sector
Pwrpas y deunyddiau hyn yw i chi annog pobl sydd ag anabledd dysgu, eu teuluoedd a'u ffrindiau, gofalwyr a staff cymorth i gwblhau Proffil Iechyd.
Deunyddiau ar gyfer Gwasanaethau, Ymddiriedolaethau a Byrddau Iechyd GIG Cymru
Pwrpas y deunyddiau hyn yw i chi godi ymwybyddiaeth o Broffiliau Iechyd gyda staff sy'n gweithio mewn gwasanaethau gofal iechyd. Dylent ofyn i gleifion ag anabledd dysgu am Broffil Iechyd neu gellir cyflwyno un iddynt.
Deunyddiau cyffredinol
Os oes gennych gwestiynau neu os hoffech roi adborth, cysylltwch â: improvementcymru_ld@wales.nhs.uk