Rydym yn cynnig cyfle unigryw i arddangos ymarfer sy’n seiliedig ar dystiolaeth ynghylch gwelliannau sy’n canolbwyntio ar yr unigolyn ac a arweinir gan anghenion ym maes iechyd meddwl yng Nghymru.

Fel rhan o Gyfnewidfa Arweinyddiaeth Iechyd Meddwl Cymru, bydd arbenigwyr yn ôl galwedigaeth a phrofiad yn ymgynnull ar gyfer cynhadledd ddeuddydd yn Aberystwyth. Mae Gweithrediaeth GIG Cymru yn gwahodd timau ac unigolion, o bob rhan o’r meysydd iechyd, gofal cymdeithasol, addysg a’r Trydydd Sector, gan gynnwys unigolion neu grwpiau sydd â phrofiad bywyd, i gyflwyno posteri i arddangos ymarfer sy’n seiliedig ar dystiolaeth yn y digwyddiad a gynhelir rhwng 3 a 4 Ebrill 2025.

Mae cyflwyno poster yn gyfle i dynnu sylw cenedlaethol at y gwaith gwella y mae eich tîm wedi’i wneud sy’n cael effaith gadarnhaol ar brofiadau a chanlyniadau cleifion. Bydd cynnwys y poster yn cyfrannu at y trafodaethau yn ystod y digwyddiad.

Bydd yr holl bosteri a gyflwynir yn cael eu harddangos yn y digwyddiad ac mewn oriel ar-lein.

Themâu’r posteri

Rhaid i’r posteri fod yn seiliedig ar un o’r themâu/is-themâu canlynol:

• Thema 1: Trawsnewid y system iechyd meddwl gymunedol, sy’n cynnwys:
  • Gofal mynediad agored
  • Ymarfer sy'n canolbwyntio ar yr unigolyn, sy’n anelu at adferiad, ac sy’n ystyriol o drawma
  • Gwasanaethau iechyd cymunedol cysylltiedig, seiliedig ar leoedd
• Thema 2: Ailddiffinio’r gweithlu iechyd meddwl
• Thema 3: Gweithredu Mesurau Canlyniadau a Adroddir gan Gleifion/Mesurau Profiad a Adroddir gan Glaf yn systematig mewn gwasanaethau iechyd meddwl i gefnogi ac arddangos gofal sy'n canolbwyntio ar yr unigolyn

Oes gennych ddiddordeb mewn cyflwyno poster?

Mae modd cwblhau ffurflen hysbysu diddordeb hyd at ddydd Gwener 14 Mawrth.

• Posteri i'w cyflwyno i NHSWE.SPMH@wales.nhs.uk yn y templed PowerPoint erbyn 14:00 ddydd Gwener 21 Mawrth fan bellaf.
• Bydd posteri yn cael eu harddangos yn y digwyddiad ar 3-4 Ebrill.

Nid oes rhaid i chi fod yn bresennol yn y digwyddiad. Gallwn rannu eich manylion cyswllt gyda phobl os byddant yn dymuno trafod y posteri gyda chi.

Teitlau adrannau’r poster:

Cyflwyniad:  Yn darparu'r cyd-destun ac yn esbonio pam mae'r pwnc yn bwysig.

Methodoleg: Pa ddulliau a ddefnyddiwyd i roi'r cynllun ar waith?

Canlyniadau: Pa ganlyniadau allweddol a ddeilliodd ohonynt a beth yw eu harwyddocâd?

Casgliad: Yn crynhoi'r negeseuon allweddol a gwaith posibl yn y dyfodol.

Meini prawf ar gyfer cyflwyno poster:

• Dylai eich poster grynhoi eich gwaith fel y gall gwylwyr gael cipolwg ar y neges gyffredinol ac yna gallu darllen mwy i gael gwell ddealltwriaeth ohono.
• Rhaid i chi geisio’r caniatâd gofynnol yn eich sefydliad cyn cyflwyno'ch poster terfynol.
• Rhaid creu posteri a'u cyflwyno yn y templed PowerPoint, lle mae mwy o ganllawiau ar fformatio.