Mae 'The State of IBD Care in the UK' yn casglu barn 17,654 o bobl ag IBD, barn eu rhieni a’u gofalwyr, yn ogystal â barn 150 o wasanaethau IBD, i lunio argymhellion a fydd yn ysgogi camau gweithredu cenedlaethol a lleol i wella diagnosis a thriniaeth ledled y DU.
Bydd yr adroddiad yn cael ei lansio mewn digwyddiad ar-lein ar 12 Rhagfyr a gynhelir gan IBD UK, sef partneriaeth o 16 o gyrff proffesiynol, colegau brenhinol a sefydliadau cleifion. Bydd Dr Clare Tibbatts, arweinydd clinigol Rhwydwaith Gweithredu IBD GIG Cymru, yn un o'r siaradwyr yn y lansiad.
Dywedodd Dr Tibbatts: “Mae’r adroddiad hwn yn gyfraniad pwysig at ymdrechion i wella ansawdd y gofal y bydd pobl sy'n byw gydag IBD yn ei gael. Mae gormod o amrywiaeth o hyd o ran cael diagnosis a thriniaeth ac rwy’n gobeithio y bydd yr argymhellion yn cefnogi’r rhai sy’n gweithio mewn ymarfer a pholisi gofal iechyd i fynd i’r afael â hyn fel y bydd pawb y mae IBD yn effeithio arnynt yn cael mynediad at y gofal sydd ei angen arnynt, pan fydd ei angen arnynt.”
Cyn y lansiad swyddogol, cynhaliodd Crohn's & Colitis UK dderbyniad Seneddol yn Nhŷ'r Arglwyddi, a gynhaliwyd gan y Farwnes Young o Old Scone, ar 4 Rhagfyr i dynnu sylw at ganfyddiadau ac argymhellion yr adroddiad.
Roedd Victoria Taylor, Rheolwr Rhwydwaith ar gyfer y Rhwydwaith Clinigol Strategol Cenedlaethol ar gyfer Cyflyrau Gastroberfeddol, yn bresennol yn y digwyddiad.
Dywedodd hithau: “Roedd y derbyniad Seneddol yn gyfle gwych i bobl sy’n byw gydag IBD a gweithwyr iechyd proffesiynol rannu eu profiadau ac i godi ymwybyddiaeth a dylanwadu ar bolisi a deddfwriaeth. Roeddwn yn falch iawn o allu cynrychioli’r Rhwydwaith a thynnu sylw at y gwaith y byddwn yn ei wneud yng Nghymru.”
Cynhelir lansiad rhithwir ‘The State of IBD Care in the UK’ ddydd Iau 12 Rhagfyr 2024, rhwng 18.00 a 19.15.
Cofrestru ar gyfer Lansiad Adroddiad IBD UK
Bydd y weminar yn ymdrin â chanfyddiadau ac ystadegau allweddol, argymhellion y gellir eu rhoi ar waith, enghreifftiau o arferion gorau a bydd yn rhannu enghreifftiau o brofiadau bywyd.
Bydd y siaradwyr yn cynnwys: