Ffyn hud ar gyfer annog pobl i reoli eu hiechyd a'u lles eu hunain
Owen Hughes, Pennaeth Gwasanaeth Byw'n Dda Powys, Bwrdd Iechyd Addysgu Powys
Cyflwyniad
Fel llawer o wasanaethau eraill sy'n gweithio gyda phobl sydd â chyflyrau hirdymor, roedd y Gwasanaeth Byw'n Dda o fewn Bwrdd Iechyd Addysgu Powys (BIAP) yn profi cyfradd uchel o ddiffyg presenoldeb mewn apwyntiadau (12-15%) a phobl oedd wedi cael eu hatgyfeirio ddim yn ymgysylltu â'r gwasanaeth (30%).
Nod y prosiect oedd lleihau nifer y bobl a oedd yn methu apwyntiadau dros gyfnod o ddwy flynedd a gwella bodlonrwydd/canlyniada’r defnyddwyr.
Dulliau
Mewn cydweithrediad â Thîm Q Lab y Sefydliad Iechyd, gwnaethom edrych ar y gwasanaeth a thaith y person drwy'r gwasanaeth, gan ddefnyddio'r technegau canlynol:
- Mapio prosesau
- Mapio teithiau defnyddwyr y gwasanaeth gan gynnwys ymatebion emosiynol ar wahanol gamau’r llwybr
- Datblygu persona ar gyfer defnyddwyr gwasanaeth nodweddiadol ac annodweddiadol
- Sefydlu 'panel profiad' o bobl a oedd wedi dod i gysylltiad â'r gwasanaeth sy'n barod i gymryd rhan yn y broses o ddatblygu gwasanaethau a rhoi adborth
- Dysgu am newid ymddygiad a sut i lywio ymddygiad defnyddwyr gwasanaeth.
Mewn ymateb i'r ymarfer mapio prosesau a'r adborth a gafwyd gan ddefnyddwyr gwasanaethau, fe wnaethom rannu cam ymgysylltu'r gwasanaeth fel a ganlyn:-
- Ymateb i atgyfeiriad
- Datblygu sgiliau digidol (ar gyfer staff a dinasyddion)
- Casglu gwybodaeth a rhoi gwybodaeth
- Ymgynghoriad cychwynnol
- Adborth ar ôl ymgynghoriad
Canlyniadau
- Mae'r gwasanaeth wedi dod yn ddigidol yn bennaf gyda 90% o’r cysylltiadau yn digwydd trwy dechnolegau digidol.
- Gwell boddhad gan ddefnyddwyr gwasanaeth gyda thros 95% o bobl bellach yn teimlo eu bod yn rhan o'r penderfyniadau am eu gofal.
- Mynediad cyflymach i wybodaeth a chefnogaeth.
- Y gyfradd 'Ddim yn bresennol’ wedi gostwng a bellach o dan 5%.
- Llai o amser aros, o 16 i 10 wythnos.
- Gwell diogelwch a mwy o foddhad ymhlith staff.
- Gostyngiad o ran effaith a chost amgylcheddol.
- Gwell hygyrchedd.
- Diffyg ymgysylltu wedi gostwng i 20%.
Dysgu
- Y gwerth sydd i ddefnyddio methodolegau Gwella Ansawdd a methodolegau rheoli prosiectau Ystwyth.
- Pwysigrwydd ymgysylltu â defnyddwyr gwasanaethau yn y broses newid.
- Pwysigrwydd cefnogi pobl (staff a defnyddwyr gwasanaethau) wrth gyflwyno ffyrdd newydd o weithio.
- Defnyddioldeb defnyddio’r llenyddiaeth ar newid ymddygiad / mewnwelediadau ymddygiadol.
Beth nesaf?
Mae'r cylchoedd gwelliant parhaus yn parhau. Rydyn ni’n casglu adborth gan staff a defnyddwyr gwasanaethau i nodi ffyrdd o wella ansawdd y gwasanaeth a ddarparwn.