Defnyddio, storio a gosod silindrau nwy meddygol a ddefnyddir mewn gofal iechyd yn ddiogel
Paul Lee, Gwyddonydd Clinigol Ymgynghorol, Pennaeth MEMS, Bwrdd Iechyd Prifysgol Bae Abertawe
Cyflwyniad
Yn sgil rhybuddion cenedlaethol am ddiogelwch cleifion a bylchau mewn hyfforddiant, sefydlwyd y nod o greu cwrs e-Ddysgu am ddim ar ddefnyddio nwyon meddygol yn ddiogel ar gyfer staff y GIG, gan fynd i'r afael â beichiau ariannol sylweddol.
Dan arweiniad Bwrdd Iechyd Prifysgol Bae Abertawe (BIPBA) a gyda chydweithrediad gweithwyr gofal iechyd proffesiynol yn genedlaethol, y nod oedd datblygu a gweithredu cwrs e-ddysgu am ddim ar 'ddefnyddio nwyon a silindrau meddygol yn ddiogel' ar gyfer staff y GIG o fewn 12 mis.
Dulliau
Cyfrannodd aelodau'r tîm a rhanddeiliaid eu harbenigedd i ddatblygu hyfforddiant pwrpasol mewn nwy meddygol. Trwy adeiladu tîm a thrafodaethau agored, crëwyd cwrs e-ddysgu cryno, rhyngweithiol. Profodd grwpiau staff sy'n defnyddio nwyon meddygol y fersiynau drafft a helpu i fireinio’r cynnwys. Treuliwyd dros 300 awr ar ddylunio, gydag adolygiadau parhaus gan y tîm, adran e-ddysgu'r GIG, MHRA, BOC Ltd.
Ar ôl adolygu'r holl ddeunyddiau a gyflwynwyd, cytunwyd ar benodau gwahanol ac fe’u rhoddwyd i arbenigwyr i'w datblygu. Yna trafodwyd a chraffwyd ar y penodau hyn mewn cyfarfodydd a thrwy rwydweithiau, gyda logiau newid yn cadw cofnodion. Profwyd modiwlau gan wahanol weithwyr proffesiynol, a defnyddiwyd adborth i fireinio cynnwys, gan gadw pob modiwl o dan 8 munud. Cyfrannodd y tîm Diogelwch Cleifion Cenedlaethol a'r MHRA at broses o brofi dro ar ôl tro. Daeth saith adran i'r amlwg, gyda drafftiau yn cael eu rhannu mewn digwyddiadau cenedlaethol i gael adborth. Mae'r cwrs terfynol, a lansiwyd ym mis Awst 2023 ar e-ddysgu ar gyfer gofal iechyd ac ESR GIG Cymru, yn parhau i esblygu yn seiliedig ar adborth a gwerthuso gan ddefnyddwyr.
Canlyniadau
- Llwythwyd y cwrs yn llwyddiannus i ESR ym mis Chwefror 2024.
- Cafodd adborth ei nodi, gan olygu bod modd gwneud addasiadau i'r cyrsiau er mwyn ateb newid yn yr anghenion.
- Arweiniodd ymrwymiad i ddiogelwch cleifion a gwaith tîm eithriadol at adborth cadarnhaol, cydnabyddiaeth genedlaethol, a gwobr AHA ym mis Ebrill 2024.
Dysgeidiaeth
- Roedd cyfateb amcanion dysgu cenedlaethol gyda strategaethau sgiliau- ar-gyfer-iechyd yn helpu i ganolbwyntio ar gynnwys hanfodol er gwaethaf heriau cychwynnol.
- Roedd dysgu meddalwedd e-ddysgu GIG Cymru o'r dechrau yn anodd.
- I ddechrau, roedd BOC Ltd yn amharod, ond cyfrannodd yn y pen draw wrth i‘r momentwm dyfu, gan ddarparu delweddau a deunyddiau newydd.
- Roedd creu is-deitlau cywir ar gyfer fideos YouTube yn heriol, gan ofyn am sgiliau meddalwedd ychwanegol.
- Mae ymddiriedolaethau sy'n gofyn am eu fersiynau eu hunain yn peri risgiau fel colli’r gallu i olrhain ac anghysondebau mewn gwahanol fersiynau; byddai synergedd ar draws llwyfannau e-ddysgu wedi bod yn fuddiol.
Beth nesaf?
- Gellir rhoi’r adnodd e-ddysgu yn nwylo holl sefydliadau'r GIG a phrifysgolion a'i gynnig fel pecyn pwrpasol am ddim iddynt ei reoli'n lleol.
- Mae modiwlau arfaethedig 2024 yn cynnwys 'unedau sugno' a 'newid silindrau maniffold' ar gyfer porthorion, gan wella hyfforddiant i staff.
- Mae hyfforddiant clinigol ychwanegol ar gyfer rhagnodi ocsigen a’i weinyddu’n ddiogel ar y gweill, a disgwylir iddo ddod i ben ddiwedd 2024.